|
Bergeno
Bergeno - la ĉefurbo de la
fjordoj
Kvankam malnova urbo kun riĉa historio,
Bergeno impresas moderne. Kun iom pli ol 200 000
loĝantoj, ĝi restas intima kaj promene esplorebla.
Tamen, ankaŭ nun ĝi estas la plej grava loko de la
okcidenta marbordo de Norvegio, kiu ja havas sudan, sed
ne orientan marbordon. Antikva - ĝi fariĝis urbo 1070 -
iama ĉefurbo de Norvegio, Bergeno ĉiam restis vigla kaj
gastama! Ĝi elkreskis tie, kie la Golfa Fluo kondukas la
varmon de la sudo al la bordoj de la nordo. Grava
komerca urbo, ŝiptrafika haveno, kultura centro, kiu
turnas sin al tuta mondo kiel sia ĉirkaŭaĵo, Bergeno
tradicie estas urbo malfermita al ĉiuj kontinentoj, kio
faras la vivstilon kaj la mondkoncepton de la berganoj
tre internaciaj. Pri tio la berganoj aparte fieras!
Vi ne devas laŭdi Bergenon al ties
loĝantoj. Ili mem konscias pri la beleco kaj avantaĝoj
de sia urbo, kaj ili volonte helpos, ankaŭ vi konatiĝu
kaj profitu de ili.
Unu apud la alia, en ĉi tiu urbo
harmonie kunvivas la granda historio de la urbo kaj la
moderna epoko kun evoluitaj industrio kaj komerco,
flugtrafiko, ŝiphaveno, butiloj kaj bazaroj. Ĉirkaŭe
troviĝas rara belo de norvega marborda naturo: fjordoj,
riveroj, montoj kaj valoj. En la valoj floras fruktarboj
dum la neĝa blanko ornamas montpintojn. Rava Vidaĵo.
Vivanta
estinteco en la nuntempa Bergeno
La historio de Bergeno komenciĝis kiam
finiĝis la vikinga epoko - ĉirkaŭ la jaro 1070 - tiam la
reĝo Óláfr kyrri (Olavo la trankvila) fondis la urbon en
nature konvena loko, kie troviĝas tre bona haveno. La
bazo por la urba evoluo estis la maro kaj la komerco
trans la maron al la grandaj eŭropaj merkatoj. Rapide
kreskis Bergeno, ĝi fariĝis sidejo por la reĝoj de
Norvegio, kaj ĝi fariĝis la plej granda urbo en Nordio.
Kaj tio daŭre estis dum jarcentoj. La fajroj furiozis en
la urbo, la ekonomiaj cirkonstancoj variis. Sed la urba
vivo daŭris. Bergeno evoluis kaj renoviĝis tiel ke ĝi
hodiaŭ estas aktiva, moderna urbo, kie la industrio kaj
metioj konkurencas kun la komerco kaj la ŝiptrafiko pri
la unua rolo en la vivo profesio. La naftagado en la
Norda Maro apud Bergeno ĉiam pli multe signifas por la
aktivecoj de la urbo. Instruado kaj esplorado gajnas pli
fortajn poziciojn. La urbo tamen rakontas sian
historion: La profilo de la mezepoka reĝa kastelo daŭre
kaj fiere montriĝas ĉe la haveno. Same malnovaj estas la
turoj de la preĝejo kiuj digne alĉieliĝas malantaŭ la
pintgablaj lignaj domoj sur Bryggen - la ĉe-kajaj domoj.
La domoj dum jarcentoj centro por la komerca urbanaro en
Bergeno dum tri jarcentoj la ĉefloĝejo de la Hansanoj.
Kaj tiel daŭras: ĉiu epoko de de la historio remontriĝas
en la urba bildo. Kaj konstruaĵoj kaj medioj de
malaperintaj epokoj hodiaŭ ekprenis novajn funkciojn,
tiel ke la historio pluvivas en la nuntempa Bergeno.
Kontaktaj adresoj kaj ligiloj al utilaj
paĝoj
Esperantlingvaj turismaj instancoj aŭ informejoj
La Esperanto-klubo de Bergen:
Ingebjørg Rambjør, Flaktveitv 734, 5134 Flaktveit
Telefono: 55 18 98 19.
Retpoŝto:
iram@sensewave.com
Turisma sekcio: Agnar Fitjar; 5240 Valestrandsfossen.
Telefono/telekopiilo: 56 19 11 42.
Retpoŝto:
afitjar@online.no
Gastigantoj en Nordio (Pasporta Servo)
Studenta grupo
bergen-stud@esperanto.no
Aliaj turismaj instancoj aŭ informejoj
Bergen Reiselivslag angla norvega
La turisma gvidilo al Bergeno de Bergen Promotion -
angllingva
Turisma gvidilo de Robert MacKinnon - angllingva
Malturisma gvidilo al Bergeno - angllingva
http://www.student.uib.no/~st01490/esperanto/
|
• NIA PROJEKTO
